Makomar: Guimaraes, Mac Allister, Felix, Kane, Loftus-Cheek, Saliba, Benzema Pavard, Kovacic, Felix

 

Musayar yan wasan kwallon kafa a yau Alhamis makomar: Guimaraes, Mac Allister, Felix, Kane, Loftus-Cheek, Saliba, Benzema Pavard, Kovacic, Felix 

Ga kanun labaran 

Newcastle United ta yiwa Dan wasan Bruno Guimaraes tayin albashi mai tsoka domin kawar da kwadayin Barcelona, Real Madrid da Liverpool, ka zalika Liverpool tayiwa ganawar sirri da Mac Alliester, Harry kane nason komawa United, Chelsea zata sallami Koulibaly, Arsenal zata Karawa Saliba albashi domin kawo ƙarshen kwadayin PSG akan Dan wasan, shugaban gasar Saudi Pro League yace ya son ganin Lionel Messi a gasar a yunkurinsu na daukoshi

Ga cikakken labarin 

Newcastle ta bai wa Bruno Guimaraes tayin fan miliyan 200,000 duk mako don kawar da sha'awar Liverpool, Real Madrid da Barcelona tare da mayar da dan wasan tsakiyar Brazil mai shekaru 25 a matsayin dan wasan da ya fi samun albashi a kungiyar. (Sun)

Liverpool na tattaunawa da dan wasan tsakiya na Argentina Alexis Mac Allister, mai shekaru 24, kan sharadi na sirri da kuma fatan kammala cinikinsa daga Brighton mako mai zuwa. (Fabrizio Romano)

Kungiyar Atletico Madrid ta yi tayin Joao Felix ga Newcastle a matsayin aro kwanaki kadan bayan da Chelsea ta yanke shawarar kin siyan dan wasan gaban Portugal mai shekaru 23 a matsayin aro zuwa dindindin. (Mail)

Ruben Loftus-Cheek, mai shekaru 27, ya amince ya bar Chelsea zuwa AC Milan yayin da kulob din Seria A din ke shirin kai tayin fan miliyan 13 kan dan wasan tsakiyar Ingilan. (La Gazzetta dello Sport via Sun)

Kyaftin din Ingila Harry Kane, mai shekaru 29, yana son komawa Manchester United ne kawai a kakar wasa ta bana, maimakon ya koma kasar waje, amma a shirye yake ya rusa kwantiraginsa don barin Tottenham a matsayin dan wasan kyauts zuwa badi. (Sun)

Real Madrid za ta iya zawarcin Kane idan dan wasan Faransa Karim Benzema, mai shekaru 35, ya amince da tayin makudan kudi na taka leda a Saudiyya. (Time - subscription required)

Tottenham za ta kara zawarcin kociyan Ange Postecoglou bayan da kungiyarsa ta Celtic ta buga wasan karshe na cin kofin Scotland a ranar Asabar. (Evening Standard)

Chelsea za ta nemi siyar da dan wasan bayan Senegal Kalidou Koulibaly, mai shekaru 31, wanda ta siyo fan miliyan 33 daga Napoli a bara. (Evening Standard)

Chelsea ta kuma ba Manchester City izinin bude tattaunawa da dan wasan tsakiyar Croatia Mateo Kovacic, mai shekaru 29. (Mail).

Manchester United, Barcelona da Inter Milan suna sha'awar sayen dan wasan bayan Faransa Benjamin Pavard, mai shekaru 27, wanda baya son sabunta kwantiraginsa a Bayern Munich idan ya kare a shekarar 2024. (L'Equipe - in French)

Yasser Al-Misehal, shugaban Hukumar FA ta Saudi Arabiya, ya ce "da kansa" zai so ya ga dan kasar Argentina Lionel Messi mai shekaru 35, mai alaka da Al-Hilal, ya taka leda a gasarsu ta Pro League domin ya kammala babban tsallen da Cristiano Ronaldo ya yi, mai shekaru 38. , biyo bayan komawar dan wasan Portugal zuwa Al Nassr a watan Janairu. (SSC via Goal)

Ana sa ran zaman Sam Allardyce a matsayin kocin Leeds zai zo karshe a ranar Alhamis, lokacin da tsohon kocin Bolton da West Ham din zai gana da shugabannin kungiyar. (Telegraph - subscription required)

Arsenal ta yi tayin rubanya albashin William Saliba a sabon kwantiraginsa kan fam miliyan 120,000 duk mako, amma tana fargabar rasa dan wasan na Faransa mai shekaru 22 Wanda zai iya tafiya Paris St-Germain. (Sun)